මඤ්ඤං thought 2

සිප ගැනුම් නියාවෙන්
නැගී එමි
අවර්ණැ'ති අහස මත
රක්ත සළකුණු තබා

-MDN-

2017 මාර්තු 12 දින ලියන ලද්දකි

මඤ්ඤං thought 1

ඔබ සොයමි
මත රැඳෙමි
මිය ඇදෙමි
නැවත එමි

-MDN-

2017 මාර්තු 8 දින ලියන ලද්දකි

උදාවේ සැඳෑවෝ

උදාවේ සැඳෑවෝ
සුපුන් සඳ සිම්බෝය
සිනහවේ කතාවෝ
ලවන් ළඟ හැඬුවෝය
ප්‍රේමයේ ලතාවෝ
පවන් මඳ සැලුවෝය
ගීතයේ නිශාවෝ
පහන් හඬ නැඟුවෝය

-MDN-

2018 මැයි  7  ලියන ලද්දකි

පහයි තිහ රේල්ලුව එන විටදි හිනැහියං

පහයි තිහ රේල්ලුව
එන විටදි හිනැහියං
පීල්ලට කන තියා
පයිංඩේ අසාපං
ගිවිසුමේ අස්සනක්
පැන්සලෙන් දමාපං
කොළොංතොට ගිනි ගනී
කන්මනී අඬාපං

ගෝල් ෆේස් පිට්ටනියෙ
සරුංගල් යවාපං
අරුංගල් දෙක දෙකක් ගෙන
ඇගෙ කනේ තියාපං
සුන්දරම් අඩ සඳේ
කුරුටු ගී ලියාපං
යාපනේ විසුණු වෙයි
විමලෙ කෑ ගසාපං

කාර්මික පුරවරේ
මැසිමක් ව දුවාපං
ෆ්ලැට් එකක් හෙවිල්ලන
අහස හිල් තියාපං
අවුරුද්ද සමරන්න
වෙඩිල්ලක් යවාපං
සාමයේ සූස්තිය
වදින්නම ගසාපං

-MDN-

2018 මාර්තු 16 දින ලියන ලද්දකි

ෆැන්ටසියෙ නිදාගෙන රියැලටියෙ ඇහැරෙන්න

ෆැන්ටසියෙ නිදාගෙන
රියැලටියෙ ඇහැරෙන්න
ලේ පයින්ට් මිල ගසා
කඩපොළේ විකුණන්න
සම්මතේ බැරියරේ
ගැලවිලා විසිවෙන්න
"පවර් ටූ ද පීපල්" ගයන
තිලෝපත් සඳ වෙන්න
ධූම'තර ඩිස්කෂන්
සයිලන්ට් ව කන්දෙන්න

අවසාන හිස් ගැසුම
හරසරින් සමරන්න
ලේ ගලන හිස් තබා
බිම් කඩක් වටලන්න
පැන් වඩමු පෙළට හිඳ
මල් වඩම් පැළවෙන්න
සෙනෙහසත් අඩු මිලට
කොටස් කර විකුණන්න


අමුත්තක් නැහැලු ඇඟ
කොටස් කර විකුණන්න
ඇට කැබලි ලාභයට
බල්ලන්ට ලෙවකන්න
ෆාතිමා නන්දනී
මිනී ගොඩ ගැනගන්න
ලක් ධජය එහි ගසා
සීරුවෙන් හිටගන්න

-MDN-

2018 මාර්තු 14 දින ලියන ලද්දකි