නුඹ,
අසංඛ්‍ය වර්ෂ ගණනක් තිස්සේ
ප්‍රේමය ප්‍රේමය ම නොවන්නේ
මන්දැයි පසක් කරන්නීය.
පරස්පරතා අසමානතා අතර
එකඟතා සමානතා සම්මුතීන්
අනන්ත වර නොනැවතී
එළඹෙන බව ද
එසේ වන්නේ
අප'තර ප්‍රේමය නිසා ම
වන බව ද කියාදුන්නීය.
මිහිමත පතිත
එකදු ලේ බිඳක් වුව
බොල් නොවේ යැයි
සරුවට වැඩී ඒ යැයි
සපත කරන්නීය.
තව කියවන්න
අල්යෝනා නොහොත් අයිස් බර්ගීය කාර්තුව
හිම තුහිනයක් කියන්නෙම හීනයක්
යළිත් ඇහැරෙනු බැරිව වැළපෙන!
එහෙනම්,
උණුම උණු දහවලක වුව
අයිස් බර්ගයක් ව,
අල්යෝනා උඹ
ඔහොම ඉන්නේ කොහොමද
පීටර්ස්බර්ග් වීදිවල?
එළියට නොපෙන්නුවත්
මොනතරම් දේවල් තියෙනවද,
රතු පාට හිම යට හැංගුන?
තව කියවන්න
සමනලු ලැහැස්තියි ඒ වෙඩි බුදින්නට
පැසයෙන් මිදී සමනලු ලොව බලන විට
වෙඩි ලුණු වැටී තිබුණා මල් පෙති මතට
ලොවටම සුවඳ දෙන්නට මතු පිපි මලට
සමනලු ලැහැස්තියි ඒ වෙඩි බුදින්නට
-MDN-
අදහස්
අරගලයයි සිපගන්නට හොඳම තැන
ගෑස් කඳුළ, නෙත'ගින් දුක් ඉවතලන
ජල ප්‍රහාර, මල් වැසි ලෙස ඇදහැලෙන
සොඳුර, කුමට අපහට මල් උයන් වෙන
අරගලයයි, සිපගන්නට හොඳම තැන
-MDN-
අදහස්
රුහිර බිඳු පොළෝ මත පතිත කල අතීතය
රුහිර බිඳු පොළෝ මත
පතිත කල අතීතය
අග සුසුම් වා තලේ
මුහු කෙරූ අතීතය
අද දිනේ අප නමට
උරුම වන අතීතය
ගොඩ නඟමු හෙට දිනක්
සිහි තබා අතීතය
-MDN-
No comments:
Post a Comment